လွန်ခဲ့တဲ့နှစ်ပေါင်းများစွာတုန်းက
ကရင်နီလူမျိူးများဖြစ်တဲ့ ကယမ်းလူမျိူးတွေဟာ အလွန်ချောပါတယ်။အခုလို လဲ လည်ပင်းမှာ ကြေးကွင်းတွေမစွတ်ကြပါဘူး။နောက်ပိုင်းမှာ
အခုလိုကြေးကွင်းစွတ်ရတဲ့ အကြောင်းရင်းမှာ-
တစ်ခါကရွာတစ်ရွာတွင်
အဖိုးကြီးတစ်ယောက်မှာ အလွန်ချောမောလှပတဲ့ သမီးလေးနှစ်ယောက်ရှိတယ်။သူတို့ ဟာအရမ်းကိုချောလွန်းလို့
သူတို့နေထိုင်တဲ့ရွာမှ ယောကျာင်္းလေးတွေမကဘဲ ရွာပတ်ဝန်းကျင်မှာရှိတဲ့တခြား ရွာကယောကျာင်္းတွေလဲ
သူတို့ကိုကြိုက်ကြတယ်။
ကရင်နီဒေသမှာ
စားလုိ့ရတဲ့စွယ်တော်အရွက်တစ်မျိူးရှိတယ်။အဲဒီစွယ်တော်ရွက်ဟာ အရမ်းကိုအရသာရှိတယ်။ ဒါပေမယ့်
တောထဲမှာဘဲပေါက်တဲ့အတွက် အဲဒီစွယ်တော်ကိုစားရဖို့အတွက် တောထဲအထိ ခက်ခက်ခဲခဲလိုက် ရှာခူးရတယ်။တစ်နေ့မှာ
အဲဒီအလွန်ချောတဲ့ညီအစ်မနှစ်ယောက်ဟာ စွယ်တော်ရွက်ကို ခူးဖို့တောထဲကို ထွက်သွားတယ်။တောထဲရောက်တဲ့အခါ
စွယ်တော်ပင်တွေကို တွေ့ရပေမယ့် အရမ်မြင့်လို့အရွက်တွေကို တက်ခူးလို့မရဘူး။အဲဒီအချိန်မှာ
ဘီလူးကြီးတစ်ကောင်က သူတို့ကိုကြည့်နေတယ်။ပြီးတော့ ညီအစ်မနှစ် ယောက်နားကိုလာပြီး”နင်တို့ကိုငါစွယ်တော်ရွက်တွေ
ခူးပေးရမလား”လို့ မေးလိုက်တယ်။သူတို့ညီအစ်မ နှစ်ယောက်ကလဲ”ဟုတ်ကဲ့၊ခူးပေးပါ-ကျေးဇူးတင်ပါတယ်”လို့
ပြောလိုက်တယ်။ညီအစ်မနှစ်ယောက်ဟာ ဘီလူး ကြီးကိုကြောက်ဖို့ထက် စွယ်တော်ရွက်ကို ပိုစားချင်တာကိုး။ဒါနဲ့သူတို့ညီအစ်မနှစ်ယောက်က”ဘီလူးကြီးက
အရမ်းသဘောကောင်းတာဘဲ”လို့ တစ်ယောက်နဲ့တစ်ယောက် ပြောနေကြတယ်။
မကြာခင်မှာ
ဘီလူးကြီးက စွယ်တော်ရွက်တွေကို ပုလိုင်း(တောင်း)နဲ့ အပြည့်ခူးပြီး သစ်ပင်အောက်ကို ဆင်းလာ
တယ်။ပြီးတော့ ညီအစ်မနှစ်ယောက်ကိုပေးပြီး”ငါနင်တို့ကိုစွယ်တော်ရွက်ခူးပေးလို့ နင်တို့ငါ့ကိုလက်ထပ်ရမယ်”
လို့ပြောလိုက်တယ်။အဲဒီအခါမှာ ညီမဖြစ်တဲ့သူက “ဘီလူးကြီးရယ်-ကျွန်မတို့နဲ့ လက်မထပ်ပါနဲ့၊ကျွန်မတို့မှာ
ယောကျာင်္းရှိပါတယ်”လို့ ပြန်ပြောလိုက်တယ်။ဘီလူးကြီးက “နင်တို့ကိုငါမယုံဘူး-နင်တို့မှာယောကျာင်္းရှိလဲ
နင်တို့ကို ငါယူမှာဘဲ”လို့ပြောပြီး သူ့အိမ်ကိုခေါ်သွားတယ်။
ညရောက်တော့
ဘီလူးကြီးက”လာခဲ့ကြ--နင်တို့ငါ့ရဲ့အနားမှာ တစ်ယောက်တစ်ဖက်စီအိပ်ရမယ်”လို့ ပြောလိုက်
တယ်။အဲဒီအချိန်မှာ ညီအစ်မနှစ်ယောက်က--“ကျွန်မတို့မအိပ်ခင်မှာ အပေါ့သွားပါရစေ”ဆိုပြီးအပြင်ကို
ထွက် သွားတယ်။အပြင်ရောက်တော့ “ဘယ်လိုလုပ်ကြမှာလဲ့၊ငါတို့တော့ ဘီလူးမိန်းမအဖြစ်မခံနိူင်ဘူး”လို့
ပြောကြပြီး တစ်ခုခုခုလုပ်ဖို့ ညီအစ်မနှစ်ယောက်က အကြံထုတ်နေတော့တယ်။ပြီးတော့ ဘေးမှာတွေ့ရတဲ့သံချောင်းတွေနဲ့
လည်ပင်းကိုပတ်ပြီး အထဲကိုပြန်ဝင်လာတယ်။
ဘီလူးကြီးကသူတို့ကိတွေ့တော့
“နင်တို့လည်ပင်းမှာ ဘာတွေလဲ့”လို့ မေးလိုက်တယ်။ဒါနဲ့ညီအစ်မနှစ်ယောက် က”ဘီလူးကြီး--ကျွန်မတို့ဟာ
နေ့အချိန်မှာ အရမ်းချောပေမယ့် ညအချိန်မှာဆိုရင် ကျွန်မတို့ရဲ့လည်ပင်းတွေ ဟာ တစ်ဖြည်းဖြည်းရှည်လာပြီး
ကျွန်မတို့က အရမ်းကိုအရုပ်ဆိုးလာပါတယ်-ကျွန်မတို့ဟာ ကျိန်စာမိထားပါ တယ်”လို့ပြောလိုက်တယ်။ပြီးတော့
သူတို့ရဲ့လည်ပင်းတွေကို ဆန့်ပြပြီး မျက်လုံးတွေပြူးပြလိုက်တယ်။ဘီလူးကြီး ကအရမ်းကို
ကြောက်သွားပြီး”ကောင်းပြီ၊နင်တို့ကိုငါပြန်လွတ်လိုက်မယ်-ဒါပေမယ့် နင်တို့ကိုငါမယုံဘူး--သေချာဟုတ်မဟုတ်ဆိုတာ
သိရအောင် နောက်တစ်နေ့ကျရင် နင်တို့ကိုငါထပ်လာကြည့်မယ်”လို့ ပြောပြီးပြန် လွတ်ပေးလိုက်တယ်။
အိမ်ပြန်ရောက်တော့
သူတို့ရဲ့အဖေကို အကြောင်းစုံရှင်းပြလိုက်တယ်။အဲဒါနဲ့ သူတို့အဖေကလဲ”ဒါဆိုရင်-နင်တို့ကို
ဘီလူးးရဲ့ရန်က ကာကွယ်ဖို့အတွက် ငါလုပ်ပေးမယ်”လို့ပြောပြီး အဲဒီညီအစ်မနှစ်ယောက်လုံးရဲ့လည်
ပင်းမှာ ကြေးကွင်းတွေစွပ်ပေးလိုက်တယ်။အဲဒီအချိန်ကစပြီး ကယန်းအမျိူးသားတွေဟာ ဘီလူးရဲ့ရန်ကနေကာ
ကွယ်ဖို့လည်ပင်းမှာ ကြေးကွင်းတွေကို အခုထိစွပ်ထားကြတယ်။
No comments:
Post a Comment